كتبت السفيرة نبيلة مكرم وزيرة الهجرة السابقة على صفحته شخصية على موقع التواصل الاجتماعي فيس بوك منشورا بمناسبة اليوم العالمي للصحة النفسية، موجة عدد من النصائح لمرضى النفسيين وذويهم.
وقالت مكرم «فى اليوم العالمى للصحه النفسية .. فاهم يعنى إيه إن المرض النفسى زيه زى أى مرض عضوى؟
مش حاجه عيب ولا غلط.. فاهم يعنى إيه إن المريض النفسى عايش فى وسطنا بس بيعافر لوحده؟ مش هو اللى مقطع هدومه وبيجرى فى الشوارع.. فاهم يعنى إيه إن مواقع التواصل الإجتماعي ممكن تأثر على نفسيه شبابنا؟ ما تستهونش بدورها فى حالات الاكتئاب والاحباط».
واستكلمت نبيلة مكرم « فاهم يعنى إيه إنك لازم تطلب المساعدة من أطباء نفسيين ومتخصصين؟ مافيهاش كسوف ولا إحراج. فاهم يعنى إيه تبقى الأسرة عارفة تتعامل مع المرض النفسى؟ ما تبقاش لوحدها دون وعى وإرشاد. أنا ابتديت أفهم.. لكل مريض نفسى: إتكلم ماتخافش، مرضك لا يعكس شخصيتك أنت محتاج علاج واحتواء.. لكل أم: انتى مش لوحدك ومش السبب..كملى للآخر. . وللمجتمع: رفقا بالمرضى النفسيين وربنا يحفظ الجميع»
