هل تتعمد «ياسمين عز» إثارة الجدل لتتصدر التريند؟..فيديو

ياسمين عز
ياسمين عز

تثير الإعلامية ياسمين عز، الجدل بتصريحاتها في برنامج " كلام الناس" والمذاع عبر قناة "ام بي سي مصر" الفضائية، والتى تعطى فيها نصائح جريئة للسيدات والبنات، وتحمل المرأة معظم المشاكل الزوجية، مما يدل أنها في مصلحة الرجل.

وهو عكس ما أعتادنا عليه من المذيعات تجاه المرأة، مما جعل “عز” تتصدر تريند مواقع التوصل الإجتماعى خلال الفترة الأخيرة، فيسأل رواد السوشيال ميديا إذا كانت تتعمد ياسمين عز أتباع مبدأ “خالف تعُرف”، أم أن تصريحاتها بناءً على وجهة نظرها الحقيقة.

وتستعرض «بوابة أخبار اليوم» خلال الفقرات التالية أبرز ما قالت من تصريحات جدلية.

قالت الإعلامية ياسمين عز،:" الراجل من حقه يمسك تليفون مراته زي ما هو عايز والست مش حقها، متابعة:" اللي موجود في الجواز المحبة أول ما تتجوزي تحطي كرامتك في الدرج".

وأضافت ياسمين عز، :"بتزعقي لجوزك ليه عشان بيدوس على سجادة الصالون بجزمته، ما هو جايبها بفلوسه".

وأوضحت:" كيف تطلبن منه أن يعاملك بلطف وأنت دائمة الشكوى، وبدلا من أن تستقبليه بإبتسامه؛ تلقين في وجههه وابل من الشكاوى والهموم.

 وأستكملت:"لو اهتميتي بجوزك نص الاهتمام اللي بتديه لـ غسيل السجاجيد والمواعين وتنضيف الشيش والبالكونات، عمره ما يبص لواحده غيرك، خلي الراجل اول ما يشوفك يحس انه ساب الضغط والتعب والمشاكل وداخل الجنة بتاعته".

ونوهت:"بتزعقي لجوزك ليه عشان بيدوس على سجادة الصالون بجزمته، ما هو جايبها بفلوسه".. وأشارت إلى أن:" ليه دايما هدوم الراجل بتغسليها لوحده وليه شرابات الراجل بس هي اللي بتضيع في الغسيل".

وأردفت: "لماذا تغضبين عندما ينظر زوجك لـ امرأة أخرى، وأنت تعامليه بشكل عنيف وترفعي صوتك وتجعليه يشعر بأن يتحدث مع رجل مثله، مضيفا:" بتقولي راجل عينه زايغة ليه طالما انتي ضاربة بوز".

وأكملت: "دايما حسسيه باللمسة بتاعتك في حياته وفي شكله وفي هدومة علشان دايما يكون محتاج ليكي، مبقيتيش تفتحي دولابه إلا علشان تفتشي في هدومه".

وقالت الإعلامية ياسمين عز، إن الفنانة أصالة تتعرض لموجة من الهجوم غير المبرر من البعض بعد نشرها صورة وهي تقبل يد زوجها. 

وأضافت الإعلامية ياسمين عز، خلال تقديمها برنامج "كلام الناس" المُذاع عبر فضائية "إم بي سي مصر": "الفنانة أصالة تعرضت لهجوم كبير والبعض قال لها عصر سي السيد انتهى وبكره تندم يا جميل وهيعمل فيكي زي اللي قبله عمله، وكلام صعب وتعليقات مينفعش أقولها على الهواء".

وأشارت: "فيه واحدة كتبت تعليق للفنانة أصالة نصري تقول لها بتبوسي إيده على أيه دا مفيش راجل يستاهل"، مؤكدة: "فيه رجالة كتير تستاهل وحنينة، وكفايا تحاكموا الناس على مشاعرهم وتوجهاتهم".

وتساءلت: "ايه اللي يضايقك أن واحدة تحب زوجها وتعبر عن حبها له بهذه الطريقة، هل عيب أن الست تبوس إيد زوجها؟"، لافتة: "ليه أما يحدث العكس أن الراجل هو الذي يبوس يد زوجته نقول أنها طريقة شيك، لكن أما الست تعملها تبقى مش ملزمة وكارثة".

وأكدت: "الحركة فيها كل معاني التقدير والحنية اللي في الدنيا، لأن الإيد اللي بتبوسيها هي الإيد اللي بتسندك أما تقعي والإيد اللي بطبطب عليكي في الحلوه والمرة، مش عيب ولا حرام".
وجهت الإعلامية ياسمين عز، عدة نصائح للزوجات والفتيات المقبلات على الزواج، للوصول لبيت هادي وزواج ناجح ومستقر.

وقالت ياسمين خلال برنامج " كلام الناس" المذاع عبر قناة "إم بي سي مصر": "هدفنا تذكير الجميع بالعادات والتقاليد اللي البعض تجاهلها ولم يعد يعرفها، علاقة الست بالرجل مش علاقة ند بند".

وتابعت ياسمين عز: "القيم اللي تربينا عليها عاوزينها ترجع تاني، الست ست والراجل راجل وكل طرف معروف وجباته وحقوقه.. الست دورها معروف ووجباتها تجاه زوجها وحماتها معروفة وخدمة أولادها. وبيتها حاجة أساسية".

وأكملت: "لو انتي كزوجة مش ملتزمة بوجباتك متلوميش اللي نفسك، إحنا لا مع الراجل ضد الست ولا الست ضد الراجل احنا مش مع طرف علي حساب الآخر".

وأضافت: إحنا مع الحق والأصول ومع عودة الأخلاق والقيم والحب والمودة للبيوت.. هدفنا نطبطب منزعلش، هدفنا نصلح منسخنش ونجمع منفرقش".

اقرأ أيضا:ياسمين عز عن تقبيل السيدة يد زوجها: مش عيب ولا حرام.. فيديو