«ألحقو سيلين»| أحمد الشامي أول فنان يعلن تبرعه للطفلة «سيلين»

أحمد الشامي والطفلة سيلين
أحمد الشامي والطفلة سيلين

تفاعل نجم فريق واما والممثل أحمد الشامي، مع مبادرة التبرع ودعم الطفلة سيلين، مريضة الضمور العضي، وذلك بعد تفاعل عدد كبير من المواطنين مع نداء والديها بإنقاذ الطفلة والتبرع حتى تستطيع ان تنل العلاج والذي يتم تكلفته نحو 40 مليون جنيه.

وقام "الشامي" بالإعلان عن قراره بالتبرع لصالح الطفلة سيلين غداً بإحدى البنوك المصرية، وكتب عبر حسابه الشخصي على تويتر: «ان شاءالله نوصل المرة دي لمبلغ محترم انا نازل بكرة ان شاءالله اتبرع ، المفروض مقولش الكلام ده بس يمكن اكوم سبب اني اشجع حد معايا، اللي شاف التويتا دي و هيتبرع يعمل ريتويت، الحقوا سيلين».

وكانت قالت رضوى حمدي، والدة الطفلة سيلين، عبر صفحتها الشخصية بموقع التواصل الاجتماعي فيسبوك: "والله مالناش أمل غير فيكم بعد ربنا والله تعبنا مفيش في إيدينا حاجة أرجوكم ساعدوها".

وكتبت الصفحة المسئولة عن حملة التبرعات: "النهاردة كلام الدكاترة إن سيلين بقى عندها ضعف عام، وضعف في المناعة، ونقص حاد في كرات الدم البيضاء، وقلة تغذية؛ عشان عندها صعوبة في البلع ومشاكل في التنفس وعياط متواصل في العلاج الطبيعي والتحاليل والفحوصات، وده كله بسبب تأخرها في الحقن لحد دلوقتي".

وأضافت الصفحة: "سيلين بتعيط كتير لأنها مش فاهمة اللي بيحصلها، ومش عارفة هي ليه مش زي باقي الأطفال اللي حواليها بتلعب وتتحرك وتاكل بشكل طبيعي، والدكاترة كان عندهم أمل إنها بالكتير سنة وشهر تكون واخدة الحقنة، ومعدش في وقت تستنى".

وتابعت الصفحة: "سيلين تعبت خلاص وهي كل يوم في جلسات علاج وشكشكة إبر، وعينات ومجهود وجسمها بيضعف كل يوم عن اليوم اللي قبله".

وكتب المسئولون عن حملة التبرعات في وقت سابق: "الحمد لله وصلنا نص المشوار بيكم وهنكمل برضه بيكم، بس سيلين لازم خلاص تاخد الحقنة في أسرع وقت، ده كلام كل الدكاترة المتابعين للحالة".

اقرأ أيضاً|  وفاة المخرج عبد اللطيف زكي بعد صراع مع المرض