قال الفنان صبري فواز، إنه فوجئ عندما شاهد الفنان ياسر جلال في كواليس مسلسل "الاختيار 3"، موضحًا: "مكناش لسه بدأنا تصوير، ولما اتكلمنا قالي بعدها إن كلامي فرق معايا، وقالي أنا بصيت في وشك وشفت الشخصية وقلت لازم أركز لك".
وأضاف فواز خلال حواره مع الإعلامية قصواء الخلالي، مقدمة برنامج "في المساء مع قصواء"، على قناة "cbc": "تحية مني لياسر جلال، عمل شغل حلو جدا، وكان شايل حمل كبير، والشغل تحت الضغط بالطريقة دي بيبقى صعب".
واستمرّ الفنان، في الحديث عن مسلسل "الاختيار 3"، قائلا: "لما كان في اجتماع للإخوان، وقلت مين الكاستنج العظيم اللي جاب الشخصيات دي كلها، وكل الشخصيات كانت مميزة ودقيقة للغاية".
وأكد: "بالنسبة لوثائقيات الاختيار، كنت أعلم أن الناس ستقارن بينها وبين التمثيل، ولكن أنا بشكل عام، أتعامل مع الروح في الشخصيات التاريخية والحقيقية التي قدمتها، وهو ما يختصر أمورا كثيرا وتصل إلى الجمهور، وهو ما حدث معي عندما جسدت شخصية بليغ حمدي وشخصية بن لادن وهيكل، فكرة إنك تجيب روح الشخصية بتغطي الفروقات في الشكل".
وذكر صبري فواز، إنه حريص على مشاهدة أعماله الفنية، موضحًا: "ممكن مبقاش راضي، لكن بشكل عام لازم أتفرج على نفسي وأقيم نفسي، وبتفرج بعيني عشان أشوف عملت ايه وهل عملت كويس ولا لأ".
ونوه: "بالنسبة لدوري في مسلسل الاختيار، ساعات كتير بقول كان ممكن أعمل أحسن من كده، وأحيانا بقول جدع لكن مش كتير".
وحول ردود الفعل التي رصدها على المسلسل، قال إن المسلسل ترك أثرا جيدا في الناس: "الناس تأثرت بالشغل، وفي ناس عينها فتحت على حاجات مكنتش عارفاها، لأن في لحظات كتير في المسلسل عشناها وشفنا الأحداث، لكن بنشوف الأحداث دي من زاوية تانية وكواليسه التي لم نشاهدها، وهذا الأمر كان مثيرا جدا".
وتابع، أن الجمهور تفاعل بقوة مع الجمهور حتى من كان يريد أن يتربص: "حاجة كويسة إنك تحول البعض من ناس مركزة للمسلسل ومترصدة ومتربصة لناس بتتفرج على المسلسل، ودي من الحاجات اللي المسلسل نجح يعملها في الشغل".
