قالت الكاتبة فريدة الشوباشي، عضو مجلس النواب، إن السيدة المنقبة مثل "التوك توك" الذي لا يحمل أرقام، متابعة: "دي مش حرية ده تخفي، فين حريتي أنا أعرف مين اللي جنبي، والنقاب جديد علينا ومفيش دولة في العالم تسمح بتجهيل الوجه".
اقرأ أيضا| ضبط شاب تنكر في زي «منقبة» لسرقة السيدات بأسيوط
وأضافت "الشوباشي"، خلال لقائها مع الإعلامية رقية اليزيدي، ببرنامج "العنيدة"، أنها لم تخف من الشيخ الشعراوي عندما هاجمته أثناء قوله "سجد لله شكرا بعد هزيمة يونيو 67"، معقبة: "أنا كتبت مقال وهو على قيد الحياة وقولت اللي يسجد لله شكرا على هزيمة مصر فهو يسجد لله شكرا على نصر إسرائيل، ولما الدنيا هاجت عليا وولاده قالوا إننا بنسجد في السراء والضراء".
وتابعت: "هي إسرائيل دولة الخلافة ولا إيه، أنا لازم يكون عندي مخ، أنا رفضت ده لأني مصرية حتى النخاع".
وعن هجومها على إبراهيم عيسى قالت: "أنا اعترضت مرة على كلام قاله على عبد الناصر وهو ميعرفوش، ومحدش يسألني هل بحب عبد الناصر أكثر من ربنا؟.. سيبوا السؤال ده لربنا، أنا مش متدينة".
وعن قراءة صيدلي القرآن في الصيدلية قالت: "لما ألاقي واحد المفروض بيعمل حاجة وهو بيقرأ قرآن لا".
