عقب الإعلامي تامر أمين، على تصريح ياسمين الخطيب: "الراجل لما يكون منفسن بيكون 10 ستات في بعض"، قائلا: "ياسمين تقصد ناس كتير، وهي من الشخصيات العامة اللي ليها قصة على الاستوري، وهي لا تقصدني أنا".
وأضاف "أمين"، خلال لقائه التلفزيوني، أنه استضاف ياسمين الخطيب العام الماضي في برنامجه ليثبت أنه أكثر إنسان متصالح مع نفسه، متابعًا: "كان بينا خلاف واتكلمت عني في برنامج بسمة وهبة".
وعن اختيار المذيعة، قال: "الجمال هو البوابة، أنا بحب الستات الحلوة، والمدام متفقة معايا، لأن الله جميل يحب الجمال، ومراتي واثقة فيها وعارفة إني بقدر الجمال في كل حاجة".
وعن تصريحات إيناس الدغيدي بأنه في الحياة شيء وفي الإعلام شيء آخر، قال: "أنا فعلا كده، دي قمة المهنية، أنا مش عارف إزاي الناس وصلت إلى قلب المعايير بالشكل ده، إيناس صديقتي وبنتقدها".
وأشار إلى أن "قمة الشرف له هو نسيان الصداقة والجيران على باب الاستوديو وإلا لو افتكرت ده يبقى كلامي هيحمل على أهوائي"، متابعًا: "اللي بيغلط بياخد على دماغه مهما كانت درجة الصداقة بيه، وده المفروض يزيدني احترامًا".
اقرأ أيضاً | «كنافة بالطرشي».. تامر أمين يكشف عن حقيقة انتقاده لزملائه
