استنكرت الفنانة نرمين الفقي، الشائعات التي تطلق عليها بشكل ملفت خلال الفترة الأخيرة، قائلة:"جوزوني، وطلقوني، وخلفوني، وأخوات وعيلة، وكل حاجة، عندي 50 و 60 و 70 سنة وكل حاجة، مرة جوزوني حد مش من ديانتي مش عارفة ازاي برضوا؟.. وطلع تريند!".
وقالت نرمين الفقي، في تصريحاتها لبرنامج «عرب ود»، المذاع عبر قناة «روتانا» :"انا مش ضد الديانات، إحنا كلنا خلق الله، فأنا معنديش مشاكل ولا العقد النفسية دي، لكن الحقيقة بسيبهم يتكلموا وخلاص، لكن لما حاجة بتزيد اوي والموضوع بيبقى أخد أكثر من حجمه بنزل على الصفحة عندي إن دي إشاعة".
وكشفت نرمين الفقي، عن مواصفات فتى الأحلام، :"عايزة راجل بمعنى الكلمة أعتمد وأتسند عليه، راجل محترم ويحتويني، ولغاية دلوقت ما قولتش لحد بحبك خالص، أنا عايزة راجل أحس إن ده أماني وسندي في الحياة، ويقوِّيني ويكبَّرني، و يكون هو في ضهري، وحماية بجد ليا".
إقرأ أيضا|نرمين الفقي تخطف الأنظار بالأسود| صور
