تصدر اسم الفنانة نهى العمروسي، محركات بحث جوجل وذلك عقب حلولها ضيفة على برنامج «كلام الناس» المذاع علي قناة «mbc مصر».
وتحدثت نهى العمروسي، خلال الحلقة عن أبرز الأزمات التي تعرضت لها في حياتها، وأسباب دخولها السجن، وأزمة ابنتها الشهيرة، كما كشفت عن رأيها في الزواج.
ونستعرض معكم أبرز تصريحات نهي العمروسي، في هذا التقرير.
- بيتعرض عليا أعمال قليلة ووحشة لذلك أرفض التواجد في الوسط الفني لتقديم هذه الأدوار لأنها مش قيمتي.
- مش فارق معايا حد يقدَّر مسيرتي الفنية.. المهم إني مقدَّرة نفسي.
- اتربيت على الحرية.. وبنتي مش عاوزه تقرب من الوسط الفني.
- بنتي خرجت من قضية الفيرمونت بمساعدة ربنا.. وربنا يكون في عونها.
- غلطت في تربية بنتي في حاجات كتيرة.. وبلغتها ازاي باباها مات بطريقة سيئة، وكانت بتدوّر تحت الكنب على والدها.. فقلت لها طلع السما.. قعدت تضحك ضحك السنين.
- أنا اتظلمت، ودخلت السجن، وعملولي تحاليل، وطلع إني مش بشرب مخدرات ولا سجاير، محدش ظلمني.. أنا اللي جبت لنفسي مصايب سودة.
- كنت بهزر مع صاحبتي وقلت لها: القبض على نهى العمروسي مع مجموعة شباب.. وبعدها بشهر نفس المانشيت ده اتكتب في الجرايد.
- قلت لـ كاملة أبو ذكري: أنا مهتمة أوي بحياة السجن.. وبعدها اتحبست فعلًا.
- تجربتي في السجن كانت مهمة جدا.. واستفدت منها واتعرفت على ناس كتير كويسة.
- تعرضت لشائعات عديدة بعد خروجي من السجن.. أشهرها: إني بشرب مخدرات.
- الجواز يِنَدم، خاصة في مجتمعاتنا الشرقية؛ لأن عندنا ذكورية زيادة عن اللزوم.
- أسعد لحظة في الجواز هي الطلاق، دي حكمة مِنِّي في مجتمعنا.
