هاجم أحمد عبد القادر، لاعب النادي الأهلي، منتقديه من جماهير القلعة الحمراء بعد قيام بعض الجماهير بتوجيه السباب له ولعائلته في الآونة الأخيرة، وذلك بعد نهاية الموسم الحالي بالفوز على سيراميكا بنتيجة 4-0.
وقال أحمد عبد القادر في رسالة كتبها عبر حسابه الرسمي بموقع "انستجرام": "الحمد لله انتهينا من موسم صعب مكنش من نصيبنا في بطولات كتير وبحمد ربنا في أي وضع وبشكر كل الناس اللي دعمتني وخصوصا آخر فترة لأن ده الجمهور الحقيقي اللي وقت الأزمة بيبان معدنه وحبه للنادي ولعيبته".
وتابع: "وبرضو بشكر اللي غلط فيا بالاب والام اللي ملهمش ذنب ومن غير سبب لان لولا غلطهم ده مكنتش عرفت اني فيه ناس (..) واخر شي عاوز اقوله الجاي كله خير ومن نصيبنا ان شاء الله والايام تثبت ده شكرا".
كما كتب أحمد عبد القادر عبر خدمة "ستوري": "الناس اللي بتتكلم علي إني مش عاجبني الانتقاد أنا مش عاجبني الانتقاد إزاي دا أنا أکتر واحد باخد الحاجة السلبية بإيجابية.. وبلاش واحد يعملي بيفهم ويقول هو اللي ينتقدك تشتموا.. أنا أصلاً مشتمتش.. أنا بقول ناس (..) علشان أنا مش واحد معندوش كرامة إن أهله يتشتموا وأقول له شكرًا مثلاً.. انتقد للصبح باحترام وبأدب وأعمل اللي انت عايزه بعيدًا عن التجاوز في حق عيلتي.. شكرًا".
وحقق الفريق الأول لكرة القدم بالنادي الأهلي فوزًا كاسحًا أمام نظيره سيراميكا برباعية نظيفة في المباراة التي أقيمت على ملعب الأهلي we السلام في الجولة الـ34 والأخيرة للبطولة الدوري.
سجل أهداف الأهلي أحمد سيد غريب في الدقيقة 35 ورامي ربيعة في الدقيقة 68 من ركلة جزاء وميكيسوني في الدقيقة الـ 72 ونجح خليل في تسجيل الهدف الرابع في الدقيقة 77.
