كشف الفنان خالد زكي، عن تدهورت أحواله المالية منذ عام 2011، كما أن ليس له رصيد في أي بنك.
وقال خالد زكي خلال حواره مع الإعلامية بوسي شلبي في برنامج برنامج ليالي TeN: "أنا ليس لدي رصيد مادي في البنك؛ لاني ماشي بمبدأ اصرف ما في الجيب يأتيك ما في الغيب فكنت بحب أعيّش أهلي وأخليهم سعداء وكان بالنسبة لي أنا آخر حاجة أفكر فيها خالص فمعملتش حاجة خالص لي".
وأضاف: "الظروف المادية بتلخبطني ومينفعش أقول ده.. عشان محدش يقول الفنان الفلاني مايعرفش يجيب كذا.. ومن 2011 بعت عربيتي على أمل إن الظروف لما تتحسن هجيب عربية، والحمد لله الظروف اتحسنت كوضع أمني ولكن أنا لحد دلوقتي بركب عربية مراتي ومش قادر أجيب عربية؛ لأني بفكر إن الفلوس اللي ممكن أجيب بيها عربية أقدر اصرفها في الأكل والالتزامات، وبحس بقهر من جوايا على الأحوال المادية بالنسبة لجيلنا".
شارك خالد زكي في موسم دراما رمضان 2022، بمسلسل «الاختيار 3»، مع الفنان كريم عبد العزيز وأحمد السقا وياسر جلال وأحمد عز، وظهر خلال أحداث المسلسل كضيف شرف وجسد دور والد الضابط مروان العدوي وهي الشخصية التي لعبها الفنان أحمد عز.
