نفى المخرج أشرف فايق، الأخبار المتداولة عن تدهور حالته الصحية .
وكتب فايق على حسابه الخاص: "أعتقد مش لطيف إنك تعمل إعلان بإنك لسه عايش لما كل شوية حد يطلبني فأحب أطمنكم كلكم أنا لسه عايش ورجعت للشغل وكله تمام، ولعبت كمان ماتش كورة أمس وجبت جولين".
وأضاف أشرف فايق: "والناس الغريبة والأخبار لسه شغالين زي الفل اللي يقول عملية قلب مفتوح خطيرة، واللي يقول مات ومستحملش، كلهم هرايين ومتبرعين، ولما رحت أمس عزاء الزميل حافظ هريدي الله يرحمه الناس شافوني اتخضوا فأدركت في البداية وخصوصا إني كنت لابس أبيض × أبيض، فمشتها كوميدي، وبقيت أقولهم أيوة مت وخارج من التربة أعزي وراجع تاني".
وتابع: "أشكر حبكم وسؤالكم عني أنا بخير والحمد لله، والظاهر فعلا عمر الشقى بقى، وبجهز فيلم جديد، دعواتكم".
