كتب: هاجر عودة
أقام «ماجد» صاحب 40عامًا، دعوى ضم حضانة ضد زوجته في محكمة الأسرة.
يقول "كنا عايشين حياة جميلة وعمري مازعلتها، وكنت أخ لإخواتها البنات وبشاركهم فى كل كبيرة وصغيرة ولا ابخل عليهم وعلى الاقل بأرائى ، وفي يوم تقدم لأختها عريس شاركت برأي ووافقت عليه، كان بيحصل خلافات كتير ومراتي كانت بتتدخل لمصالحتهما، وفي النهاية سابوا بعض، أختها اتجوزت وعاشت حياة مستقرة مع طفلها".
وأوضح ماجد "لدى طفلين ملك 15 سنة، وحازم 10 سنين، مش هقدر استأمنها علي أولادي من بعد اللي عملته، وجئت لهنا لضمهما إلي حضانتي".
ويستكمل "عمري مازعلت مراتي ولو بيحصل مشاكل مابنا، بسبها لكن مزعلهاش، وفي يوم شوفت مسدج جايه من اسم خطيب أختها الأول، طبعا قولت مستحيل يكون هو، بس دخلت علي المحادثات مابينهما وشوفت كلام غرامي وأنها مش حبه اللي بيحصل ده وبتحب جوزها، أنا شوفت المحادثات دي ومقدرش اقعد معاها في البيت".
يقول ماجد "قمت من النوم علي أساس إني هسيب البيت وهمشي، لقتها جايه وبتصارحني بكل الكلام اللي بينهما، واعترفت أنها غلطانة، سبتها وخرجت، واما رجعت لقتها ماسكه السكينة وبتحاول تنتحر، قولتها خلاص سامحتك، بس من جوايا مش قادر".
وجه اليوم اللي بعده، لقتها داخله في غيبوبة ومخلصة علب براشيم كاملة، وأما فاقت قولتلها أني خلاص سامحتها رغم محاولاتها المتكررة في الانتحار، طلقتها ورفعت قضية ضم حضانة لعدم استئمانها علي أبنائي.
اقرأ أيضا| فتاة داخل محكمة الأسرة: أمي قفيلة وأبويا «أوبن مايند»
