بما اننا خلصنا الامتحانات ودخلنا موسم الصيف يعنى البحر والشمس والهوا.. فى حاجات أساسية لازم تكون موجودة معانا واحنا بنحضر شنطة البحر، أولها واقى الشمس «الصن بلوك» ولازم واحنا بنختاره نكون عارفين ان واقى الشمس اللى بنستخدمه على البحر لازم يكون عليه كلمة water resistance الكلمة دى معناها انه مقاوم للمياه ولازم يكون spf 50 او spf 100، كمان واحنا بنختاره نكون بنختار واقى شمس مناسب لنوع بشرتنا، وطبعا فى واقى شمس مخصص للأطفال.
الصن بلوك بنحطه قبل التعرض للشمس بنص ساعة وبيتجدد كل ساعتين، ونصيحة منى لو بشرتك حساسة لازم يكون معاكى thermal water أو المياه الحرارية بتهدى احمرار البشرة وتهيج البشرة الحساسة الناتج عن التعرض للشمس وبترطب البشرة.
إقرأ أيضًا | كيف تصنعين واقياً من الشمس «طبيعي» في منزلك؟
وزى ما بنحافظ على بشرتنا من الشمس والرطوبة نحافظ على شعرنا كمان، فلازم نستخدم زيت حماية للشعر من الشمس او نستبدله بأى نوع سيروم مناسب لنوع شعرنا، وعشان لسعات القناديل طبعا لازم ناخد معانا شنطة صغيرة للطوارئ زى كريم مضاد حيوى لوشن.. وربنا يبعد عننا شر القناديل.
