تحدث الفنان وائل عبد العزيز عن خلافه مع شقيقته الفنانة ياسمين عبد العزيز، الذي أثار جدلًا واسعًا خلال الأيام الماضية، عبر جميع وسائل السوشيال ميديا.
وقال وائل عبد العزيز في تصريحات تليفزيونية: «خدت قرار مش هرد تاني، وأنا موجود لما تحتاجيني ولو رأيي ميهمكيش ومش محتجاني فتمام».
وتابع: «أنا غلطت لما كتبت على السوشيال، وبعتزر لها، والمهم نعتذر، والاعتذار من شيم الرجال، وأنا بعد كده مش فاضي غير لشغلي وربنا يكرمنا كلنا، والأمور اللي مش بنلاقي فيها حل بنسيبها، ونشوف مين الصح ومين الغلط فالآخر».
وواصل قائلاً: «ومن حبي لأختي ياسمين بقيت عامل زي القطة اللي كلت ولادها، واتعلمت درس كبير وهو إني متكلمش على السوشيال ميديا».
واختتم حديثه عن ياسمين عبد العزيز، قائلًا: بحبك ووحشتيني وسيف وياسمين وحشوني وربنا يخليكي لينا وربنا يشفيكي ويبعد عنك أي شر، وتنجحي وتبقي قد الدنيا عشان أنتي عندي قد الدنيا وأهديلك أغنية «تعالى أدلعك».
كما تطرق وائل للحديث عن والده، وقال والدي من المحاربين القدامى في حرب 73، وكان بطل الجمهورية في القفز بالزانة، وكان يجيد التمثيل باللغة العربية والعامية، وكان يحفزنا دائما ويدربنا على التمثيل.
اقرأ أيضاً:- «سمية الخشاب» تعليقاً علي قضية لاعب مانشستر وشاب الشرقية..«صح كدا»
