كشفت ميار شريف، لاعبة منتخب مصر للتنس، عن تطورات حالتها الصحية إثر تلقيها العلاج في إسبانيا بعدما أعلنت عن انسحابها من بطولة رولان جاروس المفتوحة، إحدى بطولات الجراند سلام الكبرى، بسبب الإصابة، عقب وصولها إلى الدور الثانى فى البطولة.
وقالت ميار شريف :"في وسط الماتش الأول تعرضت لإصابة وحسيت بطرقعة صغيرة وعملت أشعة ورأينا جزء من العظمة مكسورة، وماقدرتش أكمل وانسحبت ورجعت لإسبانيا عشان الدكتور بتاعي يتابع حالتي".
أضافت ميار شريف، في مداخلة متلفزة لبرنامج "كلمة أخيرة" مع الإعلامية لميس الحديدي، عبر قناة ON، أن الأطباء المعالجين ذكروا لها أن العلاج سوف يستغرق من ستة إلى ثمانية أسابيع من شفاء متباطئ، لكن الأوضاع أفضل وفي تحسن، قائلة: "الحمد لله قدر الله وما شاء فعل".
وعلقت على فوزها ببطولة رولان جاروس للتنس، لتكون بذلك أول مصرية تفوز بتلك البطولة، قائلة: "الماتش الثاني كان صعب وحسيت بألم صعب بسب الإصابة بس أنا لازم أشكر كل الناس الي شجعتني ووقفت جنبي وشجعوني من قلبها، وكان فيه جمهور مصري قالبين الدنيا وكانوا جايين من مصر مخصوص، وكان من بينهم لاعبي تنس، وده كان دافع لي أثناء الماتش كبير، وزقني جدا إني أكمل وماكنتش عاوزة أمشي الناس دي زعلانة بجد".
واستطردت بالقول: "كنت كسبانة 6/3 و4/3 وكان الماتش سخن جدا وفضلت ألعب ما بين 20-25 دقيقة وأنا عظمة رجلي كانت مكسورة وكان ألم رهيب وصعب جدا، لكن كنت بقاتل مع الناس في الملعب وبقاتل عشان التاريخ اللي بلعب بيه، وإني أكون فخورة إني مصرية وأرفع علم مصر هناك حاجات كثيرة كانت بتحفزني عشان أكمل".
