كشفت الإعلامية سالي عبد السلام عن تطورات القضية التي اتهمت فيها أحد الأشخاص بالتحرش بها.
ونشرت سالي عبد السلام عبر حسابها بموقع التواصل الاجتماعي إنستجرام فيديو أكدت فيه أن حصول الشخص المتهم بالتحرش بها على إخلاء سبيل من النيابة بضمان محل إقامته، لا يعني انتهاء القضية.
وأعلنت بحثها عن محامي يتولى الدفاع عنها في القضية، مشيرة إلى تعرضها للكثير من الضغوط والأضرار النفسية منذ الكشف عن الواقعة.
وكتبت سالي عبد السلام تعليقًا على الفيديو: "لما فيديو المتحرش يعمل أكتر من ٦٢٠ الف مشاهدة كان لازم نكمل. مكانش كفاية الفضيحة و كان لازم يجى الحق بالقانون، مش خناقة هى، القانون يجيب حقنا".
وتابعت: "لما سكت أهل الحق واستنوا العدالة، أهل الباطل طلعوا يهللوا، كان لازم أقولكم أيه اللى بيحصل. أنا بدورعلى محامى يتابع القضية أنا معنديش محامى وعمرى ما عملت محضر فى حياتى طول عمرى".
وأكدت سالي عبد السلام صعوبة الموقف الذي تمر به موضحة: "اللى بيحصل منهم كتير والضغوطات كتير، وأنا لازم هكمل، وهقول بيعملوا أيه، أنا كل ده مرضتش أطلع فى ولا قناة ولا قلت ولا تصريح فى جريدة، متكلمتش غير على حسابى الشخصى فى قضية التحرش اللفظي".
واختتمت تعقيبها على القضية قائلة: "هنزل ليكم القانون فى الستوريز عشان نفهم قانون و نعرف نجيب حقنا إزاى.. بشكركم واحد واحد وأنتوا على راسى والله، شكرا أننا مجتمع عمره ما هيقبل ده أو يعتبره عادى لما سألتكم على الفيديو".
