كشف الفنان شريف سلامة عن رد فعل زوجته الفنانة داليا مصطفى على دوره في شخصية "سيف الدندراوي" في مسلسل فاتن أمل حربي قائلاً: "مكنتش بحب أتفرج معاها على المسلسل كانت في كل مشهد بتبصلي وأقولها مش معقول وكانت بتبقى مضايقة مني بجد".
ورداً على سؤال الإعلامية لميس الحديدي هل كانت خايفة لحسن تتحول؟ قال خلال لقاءه عبر برنامج "كلمة أخيرة" على شاشة ON": "مش بتحول لكن فيه بيفضل في أثر للشخصية اللي بعملها وخاصة سيف وهي بتشوف بعض المعاملة مني في شخصية سيف أو لغة جسد ممكن تضايقها حتى أولادي قالولي بابي أنت بتآكل كده ليه؟".
وعن الصفات المشتركة بين شريف سلامة وسيف الدندراوي قال: "بعيدة كل البعد وحبي للفن أني أعمل شخصيات بعيدة عني تماماً لأني أجد فيها نفسي ولأني بطبعي شخص خجول والمكان اللي بلاقي نفسي في إيه لما بكون مع شخص أخر أو أكون شخص تاني لأنه بيفضل ملازمني طول فترة العمل وبفكر فيه ليل ونهار ومش بشتري في الوقت ده لبس لشريف سلامة لكن بشتري لسيف أو غيره من الشخصيات بفضل عايش مع الشخصية".
اقرأ أيضاً | شريف سلامة يكشف أغرب ردود الأفعال على شخصيته في «فاتن أمل حربي»
