نشرت المذيعة سالي عبدالسلام فيديو عبر صفحتها الرسمية على موقع تبادل الصور والفيديوهات انستجرام تؤكد فيه تعرضها للتحرش.
وعلقت المذيعة المصرية من خلال المنشور على تفاصيل تعرضها للتحرش من من احد الأشخاص، حيث قالت ده واحد وانا قاعدة من شوية فى العربية ومنزلتش حتى بشرب كوفى انا و ريم صاحبتى فى البنزينة اللى جمب بيتى جه يستظرف "معاكى شاحن؟؟" رديت بكل ادب لا.. وداخل بدماغه يشوف !!.. بعدها انتى متضايقة ليه!!؟".
وتابعت المذيعة سالي عبدالسلام عبر منشورها " قولتله حاجة متخصكش واتفضل امشى !!.. لااااا متكلمنيش كدة!!!..قولتله اتفضل من هنا!!.. مفيش!!!!.. ولسه هيقل ادبه و يستظرف تانى..صورته فيديو !!"
واستكملت المذيعة سالي عبدالسلام سرد تفاصيل الواقعة قائلة" لما الناس اتلمت بيقولهم كنت بطلب شاحن! الرجالة بقيت بتقوله هو معلش!!!".
ووجهت المذيعة سؤالاً قائلة " السؤال هل هو العادى ان اى حد ممكن يكلم بنات و يستظرف و يدخل جوا العربية و عايزنا نسكت؟؟!
ليه!!!؟؟؟ احنا حصلنا ايه؟؟؟!.
ونشرت المذيعة رقم سيارة الشاب وتابعت قائلة " السؤال بقى هو مين ده؟؟ وهل ده عادى؟.. فى بنات هتقبل ده عادى!! مجتمعنا شايف انه عادى؟ ولما اقوله امشى ميمشيش".
