نشر شاب مسيحي تدوينة له انتشرت عبر مواقع التواصل الاجتماعي، عبر فيها عن المحبة التي شاهدها من شيخ معهد نجع حمادي الأزهري، خلال زيارته للمدينة، في موقف يدل على النسيج الوطني بين المسلمين والأقباط.
وكتب رائد جيد، المقيم بمدينة طما في محافظة سوهاج، تدوينته قال فيها:"بسأل الرجل الجميل دا بقوله اروح المكان الفلاني منين، قالي اركب هوصلك، قولتله مش عايز اتعبك يا حج، قالي انت خايف اخطفك، مفيش تعب في طريقي، ركبت وراه وعرفني بنفسه".
واستكمل الشاب حديثه قائلاً:" هو الشيخ أحمد صابر شيخ معهد نجع حمادي الأزهري وعرفته بنفسي .. اداني رقم تليفونه وفاجأني واخد رقمي وقالي كلمني انت وماشي اجي اوصلك، قلتله ياربي علي الجمال، محبتك كبيرة يا شيخ، قالي طيب ادعيلي دعوتين، قولتله ربنا يكرمك ويفرحك ويرزقك بناس حلوة زيك ويخليك للناس اللي زي حالاتي، بعد ما وصلني طلبت منه نتصور وبعدها فضل واقف معايا يقولي لما تيجي نجع حمادي تاني كلمني اوديك دير الأنبا بضابا انا بحب اروح هناك، قلتله أكيد يا حج، قالي لما انزل طما اكلمك، قلتله اه طبعا، دا انت تشرفنا"، قائلا "هو الناس كلها في نجع حمادي كدا؟!
اقرأ أيضاً| وكيل «صحة قنا» يطمئن على توافر الدم وأدوية الطوارئ بمستشفى فرشوط
