شن الفنان عمرو عبد العزيز هجومًا حادًا على منتقدي حفل زفاف الفنان محمد فراج وزوجته بسنت شوقي، والذي أقيم مساء أمس الجمعة بأحد الفنادق الكبرى بسهل حشيش.
وكتب عمرو عبر حسابه الرسمي بموقع التواصل الاجتماعي «فيسبوك»، قائلا: «على الناس المريضه اللي بتكتب كلام وحش شبه وشهم كده على فرح فراج و بسنت، ليه يا جماعه الناس بتكتب كلام وحش».
وتابع: «لتقل خيرا او لتصمت بدل ماتقولوا ربنا يسعدهم او تتمنولهم الخير، ليه بتقولوا كلام زى ده على ٢ في يوم فرحهم وتقولوا كلام يجرحهم».
وواصل عمرو عبد العزيز، قائلاً: «تخيلوا كده لو يوم فرح ابنك او اخوك او بنتك وحد كتب كومنت زى اللى انتوا كاتبينوا ده وانتوا جيتوا بعد كده شوفتوه هيبقى احساسكم ايه وقتها مانجرحش الناس وندايق الناس لو سمحتوا اتمنوا الخير والفرحة للناس واحد وواحده فرحانين ان ربنا كرمهم واتجوزوا بعد تعب و مجهود سنين».
واختتم كلماته: «بجد الناس بقت وحشه قوى والخوف منهم بيزيد يوم بعد يوم».
اقرأ ايضاً - إبنة الفنان أحمد راتب تنتقد حفل زفاف «محمد فراج و بسنت شوقي»
