عرضت قناة «اكسترا نيوز» تقريراً تليفزيونيا بعنوان «رسائل تقدير ومحبة من أهالي الشهداء إلى الرئيس السيسي».
وجاء في الفيديو "إنك تقدر توصل الفرحة تنور قلوبهم ومش بس كدة ده النور اللي فيها ينور مصر كلها وأراضيها هي دي الرسالة وهو ده رد الجميل، احتفلنا بالشهيد مش محتاج مناسبة ولا مواعيد.. يمكن المناسبات هي اللي بتستمد بهجتها من ذكري الشهيد".
وتابع الفيديو "إن الرئيس عبدالفتاح السيسي يحرص كل عام على الاحتفال بالعيد وسط أبناء الشهداء والقوات المسلحة المصرية كانت على عهدها في تقديم كل سبل الرعاية لأسر الشهداء وأبنائهم.. رسالة حب وممر محبة من الزملاء والأحباب بنقدمها ليهم.. كل واحد متأكد أن أي هدية مجرد ذكري مش أكتر لناس غالين".
وفي الفيديو قال نجل الشهيد أ.ح. أحمد محمد جمعة "أول ما دخلت المدرسة حسيت بفرحة كبيرة وأن زملائي شايفني وبيسقفولي كنت فرحان أوي.. وأن هناك يافطة كانت مكتوبة عليها أولاد البطل.. كانت مفرحاني أوي"، وهنأت زوجته الرئيس السيسي قائلة: كل سنة وحضرتك طيب يا ريس، وربنا يوفقك ويقويك علي كل المجهود اللي أنت بتبذله عشانا وعلشان أبناء الشهداء والبلد كلها، وبحس في أوقات كتير أوي بدعم والسند من الرئيس.
وقالت والدة الشهيد الجندي محمد عادل عبدالعليم: ربنا يجعله شهيد في الجنة هو عريس الجنة عيده في الجنة، وقال والده: «ربنا يخليك يا ريس ويحرسك للبلد»
وقالت أسرة الشهيد الرائد عبدالله محمود المرسي « الرئيس السيسي دائما فاكرنا ودائماً حاطط أسر الشهداء عنده أولوية وده شيء بيسعدنا جداً وحبا أقوله كل سنة وأنت طيب يا ريس وكل سنة ومصر كلها طيبة وأتمني أن مصر كلها تفضل عيشي في سلام وأمان في ظل الرئيس».
وقالت زوجة الشهيد المقدم أحمد محمد الشحات: «طول عمرنا فخورين بيك وأنا أتشرفت أني كونت زوجتك وشلت أسمك واتشرفت بـ7 سنوات اللي عشتهم معاك.
وقال والده: «الرئيس عبدالفتاح السيسي وهو بيخطب في احتفالية ليلة القدر أنا بكيت من طريقة إلقائه واخلاصه لوطنه.. والله بكيت.. لأن كل كلمة طالعة من قلبه"، وتابع والد الشهيد قائلاً: «الرئيس بيتمنى لكل واحد مصري أنه يعرف قيمة تراب البلد دي».
وشكرت أسر الشهيد عريف أحمد جميل محمد الرئيس عبدالفتاح السيسي وأنه مش نسينا وفكرنا في كل مناسبة.
وحرص الرئيس عبد الفتاح السيسي، على مشاركة أبناء الشهداء من الجيش والشرطة، الاحتفال بعيد الفطر المبارك ، حيث أجرى الرئيس السيسي، جولة مع الأطفال فى منطقة الألعاب بمركز المنارة.
وتناول الرئيس عبدالفتاح السيسي على تناول وجبة الإفطار مع أبناء وأهالي الشهداء من الجيش والشرطة ، والأطفال من ذوي الهمم، وذلك في فعاليات احتفالية عيد الفطر مع أبناء الشهداء فى مركز المنارة.
