قال الفنان سليمان عيد، إن بدايته كانت في مسرح كلية تجارة جامعة القاهرة، من خلال مسرحية "جمهورية فرحات" تأليف دكتور يوسف إدريس، وإخراج وائل زكريا.
وأضاف سليمان عيد، خلال حواره لبرنامج "ع اللوكيشن"، على راديو هيتس: "في تانية جامعة عملت مسرحية (أيضا كلام فارغ) مع شاكر خضير وطلب مني أروحله مسرح (باب اللوق) علشان يستفيد من الإفيهات بتاعتي ومكنتش مصدق إني هشوف سمير غانم".
وذكر سليمان عيد: "شاكر خضير من أكتر الناس اللي دعمتني وخلاني أشوف سمير غانم، وبحس إن الضحك والإفيهات علاج للناس".
وتابع سليمان عيد: "عملت أكتر من 98 فيلم، و250 مسلسل و115 مسرحية، أما أول نقطة تحول في حياتي كان فيلم (جاءنا البيان التالي)، والنقلة الثانية في حياتي كانت في فيلم (عسكر في المعسكر)، وعملت 40 مشهد في فيلم (جواز بقرار جمهوري)".
واختتم: "بالنسبة لأول فرصة في حياتي كانت في فيلم (الطريق إلى إيلات) وضحيت بمسرحية (جوز ولوز) علشان الفيلم وفي النهاية دوري اتشال".
