حلت أمينة خليل ضيفة على برنامج «أدينا بندردش»، الذي تقدمه شيرين عرفة.
وتحدثت أمينة عن ذهابها لطبيبة نفسية، وكيف ساعدتها في تقبل ذاتها والدفاع عن أحلامها والعمل على تحقيقها.
وتابعت: "أنا عنيدة ومش بحب كلمة لا ومش بحب يتقالي لا، ومش محتاجة أرضي كل اللي حواليا وطالما بحب شخص صعب أقوله لا وممكن أجي".
واستكملت : كل يوم الصبح بحمد ربنا على 10 حاجات، وبليل برضه 10 حاجات، وبالتالي لساني يتعود على كلمة الحمد لله.
وتطرقت لعلاقة والدها بوالدتها، لتقول: "الاتنين بيحترموا بعض أوي وبيتقبلوا بعض جدا، وبيخلوا بالهم على بعض وأعتقد إن العشرة بتخلي الناس تزهق من الخناق وأكتر حاجة بحبها في أهلي إنهم مازالوا متمسكين ببعض".
وأشارت إلى أنها لا تحب تعامل بعض الرجال مع السيدات على أنهن بلا رأي، حيث أنها مرت بذلك الموقف من قبل، مضيفة : "مش صح إن الست تمثل أنها أقل من الراجل عشان تحسسه إنه أعلى، أصل هتفضل ممثلة وعايشة الكدبة كل ده، والمفروض إنها لا تقلل من نفسها عشان الطرف التانى يحس إنه أعلى وأفضل، ومهما حاولت تمثل هيبان في مواقف قوتها، وبالتالي ليه نمثل، وأنا مش بحب إن الرجالة يتعاملوا مع الست على إنها شئ بلا رأي أو فكر، وأنا اتحطيط في الموقف ده قبل كدة".
