انطلقت منذ قليل الحلقة العاشرة من مسلسل «الاختيار 3»، بطولة أحمد السقا وياسر جلال و أحمد عز.
وكشفت الحلقة العاشرة عن تسريب جديد للإرهابي والممول الرئيسي لجماعة الاخوان «خيرت الشاطر»، ويؤكد «الشاطر» في الفيديو عن تجهيزه للعديد من العمليات الإرهابية داخل مصر وتحديدا في القاهرة،
وقال الشاطر داخل الفيديو عن بعض المعتصمين المتواجدين امام مدينة الإنتاج الإعلامي: «دول مش منظمين يعني مش جسم يقدر يجمع ويعمل شغل كبير، انما فيه مجموعات خطر، ي مجموعة عبد المجيد الشاذلي بتاعت التوقف والتباين، او مجموعات القطبين أو السلفية الجهادية دول خطر حقيقي،لإن المجموعات دي بشكل أو بآخر متبنيين فكرة العنف، وهما عندهم نظرية موجودة بتقول اننا نقفز على الحكم، وده تعديل على استراتيجيتهم السابقة».
موضحاً: «يعني إن هو يبقى جزء من الإصلاح من فوق من وجهة نظرهم بشكل أو بآخر، وعبد المجيد وجه نداء يعني الشهر اللي فات، لبعض مجموعات القاعدة»،
مؤكداً: «الناس بتاعة العنف اللي برة مصر هو اللي هاييجو مصر، والمعلومات اللي عندنا إن نزل شوية بس مش كتير اوي، يعني ممكن 30 أو 40 شخص في ظل الهيصة اللي موجودة في البلد والأمور مش محكومة زي الأول على مستوى أمن الدولة».
وأوضح: «ممكن يبقى فيه تفكير في إحداث عملية تفجيرات، فلو جه توافق مع سكون عند الإخوان كمان تبقى كارثة».
وتابع «يعني بقى الجو نفسه كله مهيأ لأن أنا لو نزلت بمليونية، وجه عندي صوت طب أطلع بقى على المحكمة الدستوريةأو اللجنة العليا للإنتخابات أو انزل على مجلس الدفاع نفسه أو وزارة الدفاع، شوف هما بيعملو كدا ازاي، والثورة وده انتاج للنظام القديم».
مسلسل «الاختيار 3» تأليف هانى سرحان، وإخراج بيتر ميمى، إنتاج شركة سينرجي بطولة كل من: أحمد السقا وكريم عبد العزيز وأحمد عز وياسر جلال، وخالد الصاوى، صبرى فواز، جمال سليمان، محمد رياض، إيمان العاصى، هيدى كرم، سمر مرسى، نور محمود، خالد زكى، منى عبد الغنى، مفيد عاشور، نادية رشاد، أمير المصرى، محمود البزاوى.
أقرأ ايضاً - الاختيار 3| تفاصيل مخطط حازم أبو إسماعيل لحصار مدينة الإنتاج الإعلامي| فيديو
