حل اليوم المطرب الشعبي طارق الشيخ ضيفا بالحلقة الرابعة من برنامج «سابع سما»، المذاع عبر شاشة قناة النهار في تمام الساعة التاسعة مساءً.
وتحدث المطرب الشعبي طارق الشيخ عن أسباب أزمته الصحية، قائلًا: «كانت نرفزة زيادة لما بتقعد تقول حاضر كتير، بقول حاضر وبعمل وهما بيقولوا حاضر مبيعملوش، وقعدت احزن، وانفجرت».
وتابع: «الولاد راحوا المدارس وأنا ووالدتهم في البيت، فجاة بدأت اكسر حاجة حاجة ووقعت اتعورت خدت 5 غرز، وقعدت يومين في الرعاية كان انهيار عصبي والدكتور كان شاكك وقعدني يوم كمان في الرعاية».
وتابع طارق الشيخ باكيًا: «مكنتش شايف حاجة خالص وقتها ومكنتش عايز اشوف حد بس».
وسألته راغدة شلهوب عن السبب هل كان للفن سبب في ذلك، ورد طارق الشيخ قائلاً: «انا في الفن ربنا ساترني وشغال الحمد لله والناس واقفة معايا، لكن اولادي وزوجتي مش مقدرين كل ده، عندي 3 أولاد اسمهم شهاب، مازن، عادل، ودول كبار وبنتين كمان اسمهم رحمة ومريم ودول صغيرين».
وأوضح: «تعبي كان بسبب تراكمات كنت نايم وناويلها وشايف الموضوع قدامي ده اللي هداني غير كده كنت هقفل الموبايل وامشي، مش ندمان على اللي حصل ندمان اني كنت ممكن اروح فيها».
واستكمل كلامه قائلًا: «متمنتش الموت وقتها وهما ميفرقوش بس وحشوني، وعارف أن ابني هينفعني ولا حد هينفع ابني».
ووجه لهم رسالة، قائلًا: «قدروا تعب أبوكوا عليكوا، وأنا علمت اولادي وعاقبتهم عشان حبوا الفن عشان انا شغلتي زي الأرزقي على الله، ومهنتنا بالمزاج بتبقى حسب مزاج الناس بس اللي معاه شهادة حسب مزاجه هو مش حسب مزاج الناس».
كما وجه رسالة لزوجته، قائلًا: «اهتمي بالولاد وحسسيهم بتعب ابوهم عليهم»، وأشار قائلًا: «هي قصرت في الحتة دي واهتمت بيا اكتر منهم».
اقرأ أيضاً:- «الاختيار 3»| خلاف رئيس وزراء الإخوان ووزير الدفاع بسبب قطع الكهرباء
