دخل المطرب طارق الشيخ في حالة بكاء على الهواء بعد حديثه عن والده، قائلا: "أبويا متوفي بقاله سنتين ، وكنت في حفلة بدبي في التوقيت الذي توفي فيه، ولكن قطعت تلك الحفلة وعدت لمصر فورا".
وأضاف طارق الشيخ، خلال لقاء له لبرنامج "سابع سما"، عبر فضائية "النهار"، "أنا وصلت للمكانة اللي أنا فيها بفضل دعوات أبويا، مشيرا إلى أن أبويا كان هو بيهون عليا في حاجات كتير بعيد عن الشغل والماديات".
وتابع طارق الشيخ، "أبويا كان فرحان بيا وباللي أنا وصلتله، وأصحابه كانوا أصدقائي كانوا بيدعولي وكانوا دايما بيزوروا أبويا وبيشوفوني".
وأشار المطرب طارق الشيخ إلى أنه "لحد دلوقتي بدعواته ودعوات أمي ودعوات أصدقائه ربنا نجاني من حاجات كتير، وأبويا رباني أنا واخواتي أنه نتغدى في طبق واحد ونتعشى في طبق واحد وربانا على الحق".
