قالت هالة حفيدة الفنانة زوزو نبيل، إن "زوزو نبيل ما كانتش حما خالص وكانت فرحانة أوى إنى أول حفيدة وما قالتش لأبويا يسميني على اسمها، وكانت بتحب اللى حواليها أوي، وكانت عايشة مع الزوجة الأولى الحاجة فاطمة، ولما كان حد يكلم ماما زوزو في أي أوردر، الحاجة فاطمة كانت تقولهم أنا أختها الكبيرة".
وأضافت خلال حوارها لبرنامج "عيلتي وأفتخر" المذاع علي شعبي اف ام: "أبويا لم يُستشهد في حرب أكتوبر زى ما بيتقال أبويا توفى بعد الحرب بسنتين، ولقب شهيد ده كبير أوى وكان يشرفنى إن ابويا يبقى شهيد بس أنا مقدرش اخد لقب مش بتاعنا".
وتابعت ماما زوزو: "كانت بتحب جوزي جدا وكان بالنسبة لها بدل أبويا، ومن كتر ما جوزى طيب حست انه ابنها، وعيلة ماما زوزو مشهورة بالبيت الكبير، بيت العيلة.. أنا اخدت من ماما زوزو إحساس الحب اللي الواحد بيحس بيه والانبساط لما واحد بيبسط حد لأن هي ديه كانت حياتها."
واختتمت: "أقول للعيلة إنتوا اسعدتوني طول عمركوا ودلعتوني، وعلى طول كنتوا معايا وجنبى ودي السمة اللى عندنا الحمد لله، و لو ماما زوزو سمعاني دلوقتي اقولها وحشتيني اوي يا ماما زوزو".
اقرأ ايضا| ظافر عابدين: السوشيال ميديا فتحت باب كبير للنقد
