قالت هالة حفيدة الفنانة الراحلة زوزو نبيل: "ما كانتش حما خالص وكانت فرحانة أوى إنى أول حفيدة وما قالتش لأبويا يسميني على اسمها، وكانت بتحب اللى حواليها أوى، وكانت عايشة مع الزوجة الأولى الحاجة فاطمة، ولما كان حد يكلم ماما زوزو في أي أوردر، الحاجة فاطمة كانت تقولهم أنا أختها الكبيرة".
وأضافت خلال حوارها لبرنامج "عيلتي وأفتخر" الذي يذاع علي شعبي اف ام والبرنامج من تقديم حازم قابيل: "أبويا لم يُستشهد فى حرب أكتوبر زى ما بيتقال أبويا توفى بعد الحرب بسنتين، ولقب شهيد ده كبير أوى وكان يشرفنى إن أبويا يبقى شهيد بس أنا مقدرش آخد لقب مش بتاعنا".
وتابعت: "ماما زوزو كانت بتحب جوزى جدا وكان بالنسبة لها بدل أبويا، ومن كتر ما جوزى طيب حست إنه ابنها، وعيلة ماما زوزو مشهورة بالبيت الكبير، بيت العيلة.. أنا أخدت من ماما زوزو إحساس الحب اللى الواحد بيحس بيه والانبساط لما واحد بيبسط حد لأن هى دي كانت حياتها".
واختتمت قائلة: "أقول للعيلة إنتوا أسعدتونى طول عمركوا ودلعتوني، وعلى طول كنتوا معايا وجنبى ودي السمة اللى عندنا الحمد لله، ولو ماما زوزو سمعانى دلوقتى أقولها وحشتينى أوي أوي يا ماما زوزو".
إقرا ايضا| صلاة استخارة تحسم اختيار زوزو نبيل لأدوارها في الأفلام
حفيدة الفنانة زوزو نبيل: «أخدت من ماما زوزو إحساس الحب»
