نيللي : الفوازير أهم حدث في حياتي و أحلي ذكريات عمري
نيللي : اتولدت في البلاتوه ودخلت الفن عن حب وعشق
نيللي : ادقق في اختيار اعمالي وأعتذر عن أعمال بالملايين
قالت الفنانة نيللى ان احلي حاجة في حياتي و أحلي ذكريات عمري هي الفوازير ، و من سعادتي بالفوازير لم اكن اشعر بالتعب ولم اكن انام و علي قد التعب علي قد الفرحة.
واضافت نيللى خلال حلولها ضيفه مع الإعلامي شريف الليثي ببرنامجه الإذاعي الجديد "ع اللوكيشن" علي راديو هيتس ويذاع في التاسعة مساء و الاعادة الثانية عشر بعد منتصف ، ان اول دخول لى للوسط الفني كان عندي ٤ سنين ، ووقتها كانت فيروز اختي المعجزة نجمة ، و لم اخذ قرار دخول الفن دي حاجة حصلت لوحدها ، فأنا اتولدت في البلاتوه .
و تابعت نيللى ان طموحي هو ما وصلت له بالفعل ، واسعد لحظات حياتي الفوازير، و بفتكرها علي طول انى كنت متشعلقة في نجفة و في حاجات طالعة منها و دخلة في ايديا وانا مش راضية اعمل ستوب عشان المشهد لا يتوقف و اتحمل الوجع من اجل اكمال المشهد .
و اشارت نيللى ان العمل بالنسبة لي تضحية.. وأعمل أي شئونه أجل شغلي ، و كنت سعيدة جدا لما الناس بتوقفني و تتصور معايا من صغري.
و اوضحت ان كل شوت كنت بعمله كان من قلبي و نابع من إحساسي فلازم يصل للناس ، واحترم مواعيدي جدا ، و يهمني في المقام الاول العمل الجيد وليس المال ، و في الوقت الحالي بأعتذر عن أعمال بالملايين و انا عمري ما أخدت الأرقام التي نسمعها الان في الماضي.
و اكدت نيللى أكتر فيلم بحبه «أنا و أنتي و ساعات السفر »، و اكتر كلمة بقولها الحمدلله ، و مبدئي في الدنيا الإخلاص و الثبات و العطاء ، و لو مكنتش فنانة كنت هبقى فنانة.
