أعلن الفنان حسام داغر، على حسابه الخاص بموقع التواصل الاجتماعي "فيسبوك" عن خروجه من المستشفى بعد تعرضه لوعكة نتيجة ارتفاع ضغط الدم بشكل مفاجئ.
وكتب حسام داغر، منشورًا قال فيه: «الحمد لله خرجت من المستشفى رجعت البيت بقيت أحسن الحمد لله طلبوا مني متابعة الضغط واقيسه كذا يوم لتحديد السبب بشكر كل صحابي اللي جم المستشفى اطمنوا عليا عامر وحمزة العيلي ووحيد وإبراهيم نور وأمنية وأمير الحديدي وعبد الوهاب وأختي سهى وريهام وكل اللي قلقتهم، أخواتي محمد ونهي وأحمد ودكتور أحمد سمير وعلي وكل اللي اتصل بيا وكل اللي كتبولي واطمنوا عليا ودعولي».
وتابع داغر: «دعواتكم هي اللي خلتني أحسن أنا بس موضوع الضغط ده جديد عليا وشكلي كده دخلت نادي بتاعه علي رأي سما إبراهيم صديقتي بشكرك وبشكر كل اللي اطمنوا عليا وكتبولي لو أقدر هشكر واحد واحد بس الدكتور طلب مني الراحة يومين والابتعاد عن الموبايل والتوتر وتنظيم الأكل وأشرب ميه كتير لأني فعلا كنت مهمل فيها جدًا.. خلوا بالكم من نفسكم ويا رب متشوفوش وحش أبدا فيكم أو في حبايبكم».
وشارك حسام داغر مؤخراً في الجزء الثالث لمسلسل اللعبة، والذي عرض عبر إحدى المنصات الإلكترونية، وهو من بطولة شيكو، هشام ماجد، مي كساب، أوتاكا، محمد ثروت، سامي مغاوري، عارفة عبد الرسول، ميرنا جميل، والمسلسل إخراج معتز التوني.
