وجهت عبير أحمد، مؤسس ائتلاف أولياء أمور المدارس الخاصة، وإتحاد أمهات مصر للنهوض بالتعليم، منشور لأولياء الأمور تضمن: "إيه الموضوعات اللي بتشغلكم أكتر وحابينا نتكلم فيها ونطرحها.. لو في موضوع معين ياريت تكتبوه في تعليق".
وتفاعل أولياء الأمور على صفحتي إتحاد أمهات مصر وائتلاف أولياء أمور المدارس الخاصة، حيث قالت ولي أمر: "موضوع سنه رابعة إبتدائي وتعديل جدول الإمتحان، نتمني يكون في تغيير".
اقرأ أيضا|قناة مدرستنا 1 تعلن شرح درس جديد بمادة اللغة الإنجليزية لخامسة ابتدائي
وأضافت ولي أمر: "ياريت لو أمكن نتكلم في موضوع الكتب الإجباري اللي بندفعها فالمدرسة وإحنا مش مستفيدين بيها أصلا، كل شغلنا كتب خارجية"، وتابعت ولي أمر أخرى: "نتكلم عن جعل الوحدة الأخيرة للاطلاع خصوصا وأننا داخلين على شهر رمضان مفيش وقت للمذاكرة والامتحانات هاتكون خلاص قربت".
وتابعت: "ياريت المواد التي لا تضاف للمجموع يتم امتحانها من قبل المدرسة قبل بداية الامتحانات"، تستكمل ولي أمر أخرى: "تخفيف المناهج للترم التانى وخصوصا الشهاده الإعدادية مفيش وقت خالص، وكمان الكمبيوتر والرسم ميبقوش مواد نجاح وسقوط".
وذكرت ولي أمر: "نتمنى نتكلم ونهتم بالثانوية العامة شوية الفترة دى وامتحاناتهم والمراجعات، وإذا كان الإمتحان ورقى أو على التابلت عشان كل يوم برأى مختلف ونتمنى ربنا يوفقنا جميعا يارب".
وأضافت ولي أمر: "نتمني نهتم شويه ونحسن من طريقة التعليم شوية، التعليم في مصر ٩٠% منه نظري مفيش إهتمام بمهارات الطالب نفسه، ننمي قدراته مع إن ده لو حصل وكل طالب تخصص في الحاجه اللي بيحبها كل طالب هيبدع لأن المناهج مش مناسبه لكل الطلاب وكل طالب عنده قدرات مختلفه يجب علي الدوله اكتشافها وتنميتها".
