نشرت النجمة يسرا، فيديو عبر صفحتها الرسمية على موقع التواصل الاجتماعي "إنستجرام".
وكتبت على الفيديو "كل سنة و أنا فرحانة بيكم و بمحبتكم ليا ربنا مايحرمنيش من حبكم .. كل سنة احتفالكم بيا بيكون له أثر كبير و مختلف على قلبي سعيدة و محظوظة بوجودكم في حياتي .. بحبكم من كل قلبي ربنا يخليكم ليا العمر كله ".
وشهد الفيديو الظهور الأول للنجمة غادة عادل بعد أزمة تعرضها لوعكة صحية في لندن.
وقالت غادة عادل في تصريحات تلفزيونية، " أنا رجعتلي روحي من تاني، أنا من أول امبارح كنت في أوحش وقت ليا ومكنتش حاسة بالدنيا".
وتابعت “كان عندي حرارة لا تنزل والأولاد كانت نفسيتهم صعبة علشان كده نزلوا الصورة على السوشيال ميديا علشان الناس تدعيلي وفعلا ربنا استجاب”.
واستطردت “أول مرة مزعلش على حاجة نزلت على السوشيال ميديا بس الحمد لله التحليل أكد أن العدوى قلت وكنت بأخذ مضاد حيوي في عروقي”.
وأردفت “من وأنا في التصوير وكان عندي حرقان وانسداد في المثانة وكنت فاكرة من المجهود ولما راح قولت إني خفت وبعدين أول ما وصلت لندن مبقتش عارف امشي واكتشفت أنها عدوى بكتيرية طلعت على الكلى ووصلت للدم”.
واستكملت حديثها “الحمد لله لم تصل للتسمم وأنا جيت لندن بعد إجازة من تصوير المسلسل 5 أيام وهعمل تحليل تاني علشان اعرف نسبة العدوى وصلت لقد ايه”.
