قالت الفنانة هيدى كرم: «إنها بتحس أن الأصدقاء الكتيرة بتضيع الوقت، وتلاقى نفسك بتقعدى في قعدات مش منتجة وملهاش معنى ومملة وفيها نميمة، وكمان بتنسحبى لحد عاوز يصرف فبتصرفي معاه، وتلاقي نفسك خرجتى برا الميزانية، وفي القعدات بتبقى عاوزة تجاملي".
وأضافت خلال تقديمها برنامج راجل و2 ستات المذاع على قناة on، بجانب الإعلامية شريهان أبو الحسن والفنان سامح حسين «لما بروح أقعد بلاقى القعدة مش على مزاجي يحصل موقف مش لطيف، السنة الماضية تعرفت على ناس كتيرة جدا ودخلت في حياتي صداقات كتير بعتز بيها".
وقالت الإعلامية شريهان أبوالحسن: "التعامل مع الأصدقاء أنا بكون مقررة، ممكن يكون القعدة لطيفة وتتعرفى على ناس جديدة ويفتحولك دائرة أوسع من الشغل وأى مكان، أو معلومة جديدة في الحياة".
وأضافت: "لو عندى شلة مش هتعيد هبقى مرتبطة بيها ومش هعيد وهقعد في البيت ولكن لو عندى أكتر من شلة هيكون هناك تنوع وانبساط ما بينهم".
