قال محمد صلاح لاعب منتخب مصر وفريق ليفربول الإنجليزي إن المقاولون العرب طول عمره من أحسن الأندية التي تخرج الناشئين في مصر، لما روحت كنت مرعوب جدًا، وأنا بدي كل حاجة للكرة، شغلي واهتمامي.
وأضاف صلاح خلال لقائه مع إسعاد يونس ببرنامج «صاحبة السعادة» أن أول مرة أصعد في الفريق الأول بنادي المقاولون العرب كان عندي 16 عاماً.
وواصل صلاح: من المواقف الصعبة اللي مرت عليا، في مرة لاعب في المقاولون، قالي تعالى نبيّت في القاهرة، نروح لخالي في العاشر، بعد كدا قالي تعالى نبيّت عند واحد صاحبي قلت له مش هعرف، بعد كدا قالي تعالي هنروح لواحد زميلنا في النادي، فروحنا النادي ونمنا ورا بوابة النادي، واليوم اللي بعده بتنا في ورا ملعب المقاولون العرب، فرشنا في الأرض ونمنا، وفي الوقت ده كنت مستعد لأي حاجة لتحقيق هدفي.
