نورهان نبيل
تصدر حادث إعتداء رجل على عروسته ليلة زفافهما التريند والمشهد الإعلامي خلال الأيام الماضية وقرر عدد من الفنانين الكشف عن رأيهم تجاه هذه الواقعة خصوصا بعد تصالح العروس معه واستكمال حفل الزفاف رغم ما حدث معها..
ويأتي في مقدمة هولاء النجوم آسر ياسين والذي غرد عبر “تويتر” قائلا: “جدي كان دايمًا يقوللي عارف الفرق بين الراجل اللي صح والراجل الغلط.. الراجل اللي صح مراته بتمشي قدامه ويصونها زي الملكة، أما الراجل الغلط هو اللي بيجر مراته وراه زي البهيمة ويمد إيده عليها”.
وكتبت ريهام حجاج عبر حسابها على “إنستجرام”: “عايز تضرب مراتك ومراتك راضية أعملوا دا في بيتكم، المجتمع والناس والأطفال اللي ماشية في الشارع ذنبهم إيه يشوفوا المنظر دا؟!، فين حق المجتمع”.
أما سمية الخشاب فغردت قائلة: “أنا زهقت أوي.. مجتمع ذكوري بحت وإهانة المرأة بقت حاجة عادية، ويمكن تكون حق مكتسب كمان للراجل وإحنا مش واخدين بالنا.. والمفروض أنها تسكت وتداري وتعدي عشان كلام الناس والفضايح والمجتمع اللي مبيسبش حد في حاله والذي منه، الفاتحة علة الجهل والتخلف واللا إنسانية”.
بينما كتب محمود عبد المغني من خلال حسابه على “فيس بوك” تعليقا على تصريح العريس بأن ضربه لزوجته أمر عادي: “مين قال إن الصعايدة بيضربوا الستات، الصعايدة رجالة، واللي يمد إيده على ست مش راجل”.
وغرد شريف رمزي عبر “تويتر” قائلا: “مفيش في الدنيا أضعف ولا أحط من الضرب أو الإعتداء الجسدي للتعبير عن الرأي أو للعقاب أو لفرض أي شيء أو حتى للهزار”، أيضا غردت التونسية درة عبر “تويتر” وقالت: “العنف ضد المرأة مرفوض وليس له أي مبرّر”.
وهاجم عصام السقا عريس الإسماعيلية وكتب عبر “فيس بوك”: “أنت واد دكر كدا عشان يثبت لأهله إنه راجل وهو معداش حتي من أمام شارع الرجوله المقطع ده هيفضل وصمة عار هتلاحقك حتي في أحلامك ياعم الدكر أنت”.
