رد المخرج هادي الباجوري على الانتقادات التي تعرض لها بسبب أحدث أفلامه "قمر 14" بسبب مشهد قبلة في نهاية الفيلم بين خالد النبوي وشيرين رضا.
وقال هادي الباجوري خلال لقائه مع الإعلامية ياسمين عز في برنامجها "كلام الناس" المذاع على "mbc مصر": "بوسة فيلم قمر 14 عادية جدا، والبوس كان عادي من 20 سنة وأنا مش هغير نفسي عشان الجمهور، هما اللي يتعالجوا والبوسة ليها حب ومعنى في الفيلم ومش زيادة عن السيناريو".
وواصل: "احنا شعب غريب أوي والأفراح كلها رقاصات عادي واحنا شعب مركب وعندنا انفصام في الشخصية وبنحط راسنا في التراب وكل واحد حر يعمل اللي عايزه، واللي مش عاجبه ميتفرجش أحسن".
وذكر أنه لن يعترض على مشاركة زوجته الفنانة ياسمين رئيس في مشهد رومانسي، قائلا: "الممثلة اللي مش مستعدة للهجوم متشتغلش ممثلة أحسن، ومعنديش مشكلة ياسمين رئيس تعمل مشهد رومانسي في أعمالها، ومقدرش أقول غير كدا لأني بعمل مشاهد رومانسية وإزاي هقولها لا؟ هتقولي أنت منافق".
فيلم «قمر 14» بطولة خالد النبوي، شيرين رضا، أحمد الفيشاوي، ياسمين رئيس، سلوى محمد علي، محمد علاء، أحمد مالك، بيومي فؤاد، مي الغيطي، نيرة عارف، أحمد حاتم، أسماء أبواليزيد، محمد جمعة، أحمد بدير، إسماعيل شرف، حنان يوسف، محمد مهران، خالد أنور، غادة عادل، سليم سليمان، والعمل قصة وسيناريو وحوار محمود زهران وإنتاج أحمد السبكي، ومن إخراج هادي الباجوري.
