عبر الفنان الكوميدي عادل الفار، عن حزنه الشديد بسبب وفاة نجله شادي بعد تعرضه لوعكة صحية.
وأكد عادل الفار، على أن وفاة نجلة حدثت بسبب إهمال طبي في إحدى المستشفيات
وتابع: ابني كان صدره بيوجعه وكان رافض يروح المستشفى ومع إصرار والدته مع الوقت راح واتحجز يوم واحد في المستشفى واتوفى تاني يوم.
وأضاف: في حاجات كتير شفتها حصلت في المستشفى كانت صعبة أوي.. ابني عنده 35 سنة ومكنش لسه اتجوز ولا فرحت بيه.
وأضاف: والدته انهارت لما عرفت الخبر وقالت يارتني ماسبته في المستشفى.
واختتم تصريحاته بقوله: راض بقضاء الله وقدره.
وكانت آخر كلمات الراحل، تعبر عن مدى حزنه؛ بسبب ما وصفه من غدر الأصدقاء، وكتب قبل أيام قليلة من وفاته عبر حسابه بموقع التواصل الاجتماعي: هو فيه إيه الدنيا جرا فيها إيه هو أنا عايش ولا مت ودخلت النار حد يرد عليا حد يفهمنى من بعد الحب والود والعيش والملح وطبعا الأهم المصالح الطالعة وقتها، إنما دلوقتى الوقت اللي محتاج فيه لكل الناس بيطلعوا يجروا أول مايشفوني وعجبي الصاحب لما يبيع صاحبه ويحلق له.
