اكرر اعتذاري لنجم مصر والنادي الاهلي وليد سليمان بسبب اعتدائي عليه في ابو ظبي ولو تكرر الموقف ده 100 مرة تاني مش هعملها واتعدي عليه لانه نجم كبير يستحق كل الاحترام " بهذه الكلمات وجه امام عاشور نجم منتخب مصر والنادي الزمالك في اول لقاء تليفزيوني له عقب عودته من الكاميرون بعد بطولة كاس الامم الافريقية اعتذار جديد لوليد سليمان.
وتابع عاشور خلال حوار مع برنامج " الريمونتادا " المذاع علي قناة المحور الفضائية والذي يقدمة النجم احمد حسام ميدو قائلا : أهلي زعلوا منِّي بعد مشكلتي مع الكابتن وليد سليمان، واللي حصل كان نرفزة ملعب، وكنا مشدودين شوية , واللي حصل منِّي مع وليد سليمان حاجة لا إرادية، والموقف ده لو اتعاد قدامي 100 مرة عمري ما أعمل كده، وأنا زعلت من نفسي، وأهلي زعلوا منِّي وفضلوا فترة ميكلمونيش".
واضاف امام عاشور خلال تصريحاته التليفزيونية : مكنتش أقصد ابدا ضرب الكابتن وليد سليمان، وكلِّمته كتير واعتذرت له، وآخر معسكر للمنتخب كلمت الكابتن محمد الشناوي ومبقاش فيه حاجة، وأنا أحترمه وهو تاريخ كبير في النادي الأهلي، وأعتذر له مرة أخرى وللنادي الأهلي وجمهور النادي الأهلي، وفعلًا مكنتش أقصد، وأنا أكيد مع الوقت بتعلم من أخطائي ".
