أعلنت الإعلامية لميس سلامة إصابتها بفيروس كورونا.
وكتبت لميس سلامة: "طلع تعبي كله كورونا بكل هدوء هحكيلكم باختصار شديد اللي حصلي مبدأيا أنا عرفت متأخر بعد ما وصلت للرئة لكن الحمدلله".
- في ذكرى ميلاده.. السيد راضي تعرض لأزمة صحية خلال تصوير «الحياة لونها بمبي»
وأضافت عبر صفحتها بـ"فيسبوك": "أنا بقالي اسبوع تعبانة تعب لا يحتمل والحديد وصل لـ٣ وكل شوية نجري على مستشفى شكل عشان بدوخ وبفقد الوعي وتعب رهيب وعملت خمس مسحات وطلعوا سلبي وعملت كل التحاليل عشان نعرف دي كورونا ولا لا وكل الناس قالولي مش كورونا وفي يوم روحت السعودي الالماني قولتلهم احجزوني الحقوني عالجوني أنا بطلع في الروح قالولي مانتي مش كورونا عملت اكو ع القلب من التعب وبرضه مظهرش حاجة".
وتابعت: "وبعدين في عز مانا بطلع في الروح قولتلهم لبسوني وودوني أعمل مقطعية ع الصدر.. واحنا بنحجز قالولي احنا عاملين عرض على المقطعية مع المسحة مع بعض قولتلهم اعملوها مش هنخسر حاجة ما انا اتهريت مسحات".
وذكرت: "فطلعت المرة دي ايجابي ودخلت ع الرئة وبانت في المقطعية.. الحمدلله كنت بدأت العلاج وان شاءالله خير دعواتكم عشان أنا شوفت أصعب أيام حياتي وكنت حاسة ان أنا حقيقي بموت قعدت أدعي ربنا يخليني بس لبنتي".
واختتمت: "ماكنتش حابة أقرفكم وانزلكم كل شوية اني في المستشفي وتعبانة والحمدلله الصفحة كانت شغالة عادي وبشوف رسايلكم وتعليقاتكم والشوبينج اللي اتصور نزل في مواعيده وربنا رزق الناس الحمدلله أنا واثقة اني هعديها بدعواتكم الطيبة".
