بعد كل سنة وأنتم طيبين وبخير وسنة سعيدة علينا كلنا..
"زوبا" دي هي كل حاجة بدأنها ومكملنهاش في حياتنا.. هي كل حاجة وقفت ومكملتش.. سواء بقى بسبب الظروف أو الانشغال بحاجة تانية أو حتى الزهق والإحباط أو حاجات كتيرة كلنا عارفنها..
"زوبا" هي الـ١٪ اللي لو كملت هتلاقي انجازات كتير أوي.. هتلاقى زي ما بيتقال "عظمة" حصلت..
عارف إنك هتقول وأيه الجديد ما دي مشكلتنا كلنا أو مشكلة عدد كبير أوي وده "اللي مضيعنا"..
ما هو ده الفرق بينا وبين الناجحين.. الاستمرار والمعافرة والتكملة لحد أخر الخط.. علشان كده مفيش عندهم "زوبا".
الفكرة هنا في عقلية "التكملة والاستمرار".. في إنك قدرت تعمل نص المشوار وبرضو أنت اللي هتقدر تكمله.. الفكرة إنك محتاج بس "زقة بسيطة لزوبا".
الخلاصة.. "زقة لزوبا هتحقق المستحيل".
