قالت الراقصة الإستعراضية دينا انها تحب لقب اطلق عليها في لبنان " الراقصة حافية القدمين " ، لانني احب الرقص بدون احذية وان تكون رجلى قريبة من الأرض والطبيعة .
وأضافت خلال لقائها مع الإعلامى عمرو الليثى، ببرنامج "واحد من الناس"، ان الجاذبية مصدرها العقل اكثر، و لما حد بيهاجمنى بقلة أدب برد عليه، لكن لو نقد بناء باسمعه، و اتعمل عليا كتاب في فرنسا و المانيا و أمريكا عن الرقص الشرقى واحسست بطعم النجاح ، و لما رقصت في اوبرا شينجهاى ده نجاح بالرغم انى محدش في مصر يعرف.
هل تزوجت للمرة العاشرة؟.. دينا تثير التساؤلات بفستان زفاف| صور
وتابعت انا خريجة آداب قسم فلسفة ، ومعايا ماجيستير في فلسفة المسرح اليوناني.
واشارت دينا أنها من عشاق احمد ذكى و كنت هعمل معاه فيلم مستر كاراتيه، والمخرج محمد خان اختار ممثلة وجابها مكانى و اتجوزها في نصف الفيلم ، و زعلت جدا .
و تابعت دينا أن والدها مهندس لاسلكى ، وامها كانت تشتغل في سفارة الهند في روما، وانفصلا وأنا عندى ٥ سنوات .
وأشارت دينا أنها حاولت الانتحار وهي في ثانوية، وكنت ضعيفة إيمان أو عندي قصر نظر في أمور معينة، و من أصعب المواقف في حياتى أنى كنت معتقدة أن أمى ماتت، وهي على قيد الحياة ، بسبب أن جدى كان بالنسبة ليه التي تطلق تعتبر ميتة لأنه صعيدى، وحتي الإعدادية لم أكن أعرف غير أنها ميتة وكنت بتخانق مع بابا، وقالى انتى بتكلمى شبه امك، فقولت ليه انها ماتت قالى لا ليه عايشه، واللى ربانى وانا عندى خمس سنوات زوجة ابى وكنت بحبها جدا، وامى وقتها كانت عايشه في وسط البلد واحنا ساكنين في العجوزة، واختى هي اللى دورت عليها لحد ما وصلنا ليها، و مكنتش اترك بابا وقتها لانى بحبه جدا وأمى كانت عايشه خارج مصر وأنا لا أقدر أعيش خارج مصر .
