نشرت الفنانة دنيا سمير غانم، منشور عبر حسابها الرسمي بموقع تبادل الصور والفيديوهات الشهير «انستجرام».
ووجهت «دنيا» من خلال المنشور الشكر للرئيس عبد الفتاح السيسي لما وجهه لها من كلمات رقيقة، وللجمهو ولكل من ساهم في مشاركتها في إحتفالية «قادرون باختلاف».
وقالت «دنيا»: «تشرفت النهارده بالغناء أمام سيادة الرئيس عبد الفتاح السيسي في احتفالية قادرون باختلاف، و سعدت و تشرفت بكلامه ليا جدا وبنظرته اللى كلها أبوة».
وتابعت قائلة «أفعالهم فرحتهم بوجودي في الحدث الهادف مع الملايكة اللي كانوا سبب في ثقتي بنفسي النهارده بإحساسهم الصادق في تعبيرهم عن حبهم ليا الحمد لله و فرحتهم باليوم ده وان فى حد مهتم بيهم وبيفكر فيهم وفى احتياجاتهم».
واستطردت «وبشكر كل الزملاء والأساتذة إللي اتشرفت إني كنت موجودة معاهم في نفس الحفلة و علي رأسهم الموسيقار الكبير عمر خيرت و أستاذ أشرف عبد الباقي سعيدة جدا إني ابتديت يومي بتشجيعهم و حرصهم انهم يطمنوا عليا قبل ما أطلع و كمان زملائي الأعزاء مصطفي شعبان و يوسف الشريف و المذيعين شريف مدكور و إيمان الحصري اللي مروا بظروف صعبة وعدوها بكل قوه وثبات بفضل ربنا و رحمته و كنت مبسوطة بيهم و حسيت بأد إيه أغلب الموجودين مننا كان عندهم تحديات في حياتهم زي الملايكة اللي استمدينا قوتنا منهم النهارده و من أهلهم الأبطال».
واختتتمت المنشور قائلة : «و في النهاية حبايبي الغاليين بابي و مامي إتأثرت جدا النهارده اني لأول مرة أروح في يوم مهم ليا من غير ما أسمعك يا مامي بتدعيلي أو ترقيني قبل ما أنزل أو بابي بيقول لي ربنا معاكي يا حبيب بابي، يا رب أكون شرفتكم، بحبكم و وحشتوني أوي، ربنا يرحمكم يا أغلي حاجة في حياتي».
وكان اخر ظهور للفنانة دنيا سمير غانم قبل مشاركتها في احتفالية «قادرون بإختلاف»، كان خلال مراسم دفن اللفنانة القديرة الراحلة «سهير البابلي» برفقة زوجها الإعلامي «رامي رضوان»، وناداها الجمهور بأن تكون مشاركتها في احتفالية قادرون بإختلاف بمثابة عودتها مرة أخرى لتقديم الأغاني والمسلسلات الجديدة، وذلك بعد ان توقفت عن ممارسة العمل بسبب وفاة والدها سمير غانم و والدتها دلال عبد العزيز لما يقرب من 6 أشهر.
أقرأ أيضا - عمر كمال يعلن خطوبته على المطربة شيماء مغربي
