طالبت الاعلامية سالي عبد السلام جمهورها بالدعاء لشقيقها بعد تعرضه لوعكة صحية.
وكتبت، عبر صفحتها الشخصية بموقع التواصل الاجتماعي "فيس بوك"، «أحمد عبدالسلام ادعوا له يخف وميبقاش فيه حاجة يا رب أنا كل ما أنزله ستوري أو صورة معايا يروح المستشفى! هو في كده بيقولوا أنا السبب».
وقالت : «وتاني يا رب ما يطلع فيه حاجة وحشة ومستنيين نعرف ونفهم بكره فيه إيه من التحاليل والأشعة وجهاز القلب، 48 ساعة ونراقب السكر يا رب ما يبقى فيه حاجة يا رب والتشخيص المبدئي غلط يا رب».
وتابعت «امال لو عرفوا اننا كنا عاملين لبعض بلوك على انستجرام وواتس اب ونسينا الفيس بوك وقت الخناقة، لسه فاكينها من اسبوع، مهما اتخانقنا هتفضل اهم واحد عندى، بحبك ماشاء الله اللهم بارك، كل الاخوات بيتخانقوا عادى يا جد».
يذكر أن المذيعة سالي عبدالسلام، قد كسفت في وقت سابق أنها قدّمت معظم حلقات برنامجها «قصة حقيقية»، والذي يذاع على شاشة التليفزيون المصري، وهي في حالة نفسية سيئة للغاية، وقبل الظهور على الهواء مباشرة كانت في حالة بكاء شديدة.
وقالت: «أنا جيت معظم الحلقات وأنا معيطة، ومش مكسوفة إني أقول كده، أهلي بيستنوا مني إني أكون قوية، لكن اللي حصل المرة دي إني منيت نفسي أوي، مش هقول إن اختياراتي غلط، لأني مش بختار أصلا، أنا ممكن ألاقيني داخلة في قصة وأنا مخترتش عادي، أنه شخص مناسب، أنا بختار السكينة والمودة والرحمة، مش زي ما الناس بيقولوا إني مش عاجبني العجب بسمعها كتير».
تابعت: «أيوه كنت باجي التصوير كتير جدا معيطة وبالذات الشهر ده، عشان كنت ممنية نفسي إني هكتب كتابي وأتجوز، بس الموضوع ممشيش ومحصلش نصيب، لأن أغلبية اللي بنعرفهم مبقوش قد المسؤولية ومبقوش رجالة ومبقوش يستاهلوا، مذيع الاجتماع برضوا ملهوش حصانة إنه يحكى ويتكلم».
استكملت: «الحمد لله يا رب، يمكن أخدت مني حاجات كتير أوي بعد ما كنت منيت نفسي ومتوقعتش أنها هتتاخد مني وفي الوقت ده، الفترة دي كل ما أكلم حد أعيط ويصعب عليّا نفسي، بس أنت عوضتني يا الله».
