قال الفنان أحمد فهمي، إن استمرار معاناته مع المرض يسبب له ضيق ولكنه غير نظرته للحياة واستشعر نعمة الصحة، معلقاً: "عندي فوبيا من المرض ومش بخاف من الموت ولكن المرض بيضعف وأنا مش بحب الضعف، ومفيش حاجة تستاهل الخناقة والمرض بتاعي أساسه الضغط".
اقرأ أيضا ..أحمد فهمي عن العودة للعمل مع شيكو وهشام ماجد: التنفيذ صعب
وكشف الفنان أحمد فهمي، في حوار ببرنامج "حبر سري" مع الإعلامية أسما إبراهيم، على قناة القاهرة والناس، عن أنه كان على خلاف مع النجم أحمد حلمي خلال تصوير فيلم "كده رضا"، مضيفًا: "كنت على خلاف ما أحمد حلمي زمان إنما دلوقتي مفيش أبدًا والخلاف كان فى الشغل فى كده رضا وهو كان نجم العمل وهو اللي استلمني وأنا كنت متحمس".
وتابع: "أنا تعلمت من أحمد حلمي حاجات كتير ترجمتها بعدها بسنين، وأفضل عمل أي دور مع جيل أحمد السقا وأحمد حلمي وكريم عبد العزيز وأحب أنزل وأنافسهم ولكن ببص لهم بصة فوق وأنا من جمهورهم وبتفرج على أفلامهم، وأرفض اسمي يبقى جنب اسم أحمد حلمي لكن بعديه".
