تحدث رجل الأعمال نجيب ساويرس، على بيان نقابة المهن الموسيقية برئاسة الفنان هاني شاكر، الذي جاء بسبب دفاعه عن مغني المهرجانات الشعبية: "طب لو نقابة موسيقيين زي ما بتقول مالها ومال المغنين، وليه نقطع الأرزاق وإن شاء الله هجيبهم كلهم مهرجان الجونة وأنا بقول كلام وأنفذه".
اقرأ أيضًا | يكيل بمكيالين| «بسمة وهبة» تهاجم «هاني شاكر» بسبب وقفه لمطربي المهرجانات
وأضاف "ساويرس" خلال مداخلة هاتفية مع الإعلامي عمرو أديب، ببرنامج "الحكاية" المذاع على قناة MBC مصر "اليوم الجمعة: "نقيب الموسيقيين مش قيم على أذواق الناس.. أنا مبيعجبنيش غناه أصلاً ومش عايز أسمعه".
وأبدى "المهندس نجيب ساويرس" اعتراضه على قرارات نقابة الموسيقيين بوقف عدد من مؤدي المهرجانات عن الغناء، قائلًا: "من حقي أسمع اللي أنا عايزه، وأنا بحب الغناء الشعبي".
وأضاف ساويرس: "الموضوع فيه نفسنة وغيرة، وفيه قانون في مصر وكل اللي اتمنعوا رفعوا قضية في القضاء الإداري".
وتابع : "النقيب مش قيم على أذواق الناس واحنا أحرار نسمع اللي بنحبه، ودورك كنقابة إنك تصرف أو تساعد أو تعالج نجم تابع للنقابة، ولكن لست رقيبًا على المصنفات الفنية، طب أنا مبيعجبنيش غناه".
وأكمل المهندس نجيب ساويرس" قائلاً: "إذا كان القانون بيمنح النقيب هذا الحق في منع نوع من الغناء يبقى القانون غلط"، مضيفًا: "الجمهور من يقرر إيه اللي ينفع يتسمع، واللي مش عاجبه المهرجانات يقفل التليفزيون"، متابعًا: "تعبنا من الناس اللي جاية تفرض علينا طريقتها، وقطع الأرزاق ربنا مش بيسامح فيها".
