روت الفنانة إلهام شاهين، الكوارث مع شقيقها الفنان أيمن شاهين في مرحلة الطفولة قائلة: "أخويا أيمن كان بيلعب معايا هنود بيحط ريش في وسطه وريش في رأسه ويقعدني ويحطني على ترابيزة السفرة وحط حواليا جرايد وراح مولع فيهم وأنا كانت النار حواليا وأنا قاعدة زي العبيطة وهو يلف حوالين الترابيزة زي الهنود".
اقرأ أيضا| بسبب نقص الأكسجين.. علماء ألمان يتنبأون باختناق كوكب الأرض
وأضافت إلهام شاهين خلال لقائها مع الفنان أمير كرارة والفنانة هالة صدقي، ببرنامج "سهرانين"، المذاع على قناة "ON": "أنا كان ممكن أتحرق بس ماما خرجت من المطبخ ولقيتني على السفرة وحواليا النار وجريت جابت حلل مياه ترميها عليا لحد ما طفت النار وهى مش مصدقة".
وتابعت الفنانة إلهام شاهين: "أخويا أيمن كان شقي جداً وكان بيخاف من بابا لأنه كان بيضربه كتير لأنه على طول كان عامل حوادث".
