صاحب واقعة «العجلة» بحادث الإسماعيلية يكشف تفاصيل الواقعة |فيديو

صورة من الواقعة
صورة من الواقعة

تحدث إسماعيل يوسف عبدالسلام، المواطن الذي تصدى لـ سفاح الإسماعيلية، وشاهد العيان عن تفاصيل الحادث، قائلا: "أنا كنت ماشي في الشارع الذي وقع فيه الحادث، وكنت راكب العجلة ولقيت واحد غرقان في دمه، والتاني بيضرب فيه والناس واقفة تتفرج ومحدش راضي يروح يحوش عنه خالص وفي نفس الوقت استغربت تصرف الناس غير الطبيعي".

اقرا ايضا ..  مغادرة أحد المصابين في واقعة «سفاح الإسماعيلية»

وأضاف "إسماعيل يوسف"، خلال لقائة مع الاعلامي شريف عامر، ببرنامج "يحدث في مصر" المذاع على قناة "إMBC مصر": " بشكل لا شعوري مسكت العجلة بتاعتي ودخلت فيه بقوتي، حاجة من عند ربنا وطبيعية وحاولت أمنعه عن المجني عليه، قائلا: " وأنا داخل على القاتل قولتله هتودي نفسك في داهية كده غلط، وكان رده عليا قالي ياعم الحاج أبعد أنت وملكش دعوة".

وأكد "يوسف"، تعليقا على انتشار أخبار على السوشيا ميديا والمواقع الإلكترونية عن أن القاتل يتعاطى المخدرات، قال القاتل كان شخص طبيعي والكلام معاه كان طبيعي ولسانه مكنش تقيل ومش باين عليه أنه شارب مخدرات ومكنش بيتهته".

وأردف "شاهد العيان " قائلا: "دخلت عليه وقولتله يابني هتضيع نفسك، وهو كان بيهوشني بالسكينة، وقتها كان القتيل في ضهري وغرقان في دمه"، متابعا: "قلت للقاتل أنا خايف عليك ومش عايز منك حاجة، ولكن القاتل قالي دا اغتصب أمي وأختي مرة واتنين".

وأشار "إسماعيل يوسف": "لما قالي أمي دي خلتني خلاص جسمي مستحملش والحماس اللي كان معايا راح، ونزلت العجلة وروحت ماشي ومردتش أقف وأشوف أي حاجة لأن كلمة أمي دي كلمة كبيرة وأكبر حاجة محدش يستحملها، في ساعتها مفيش تفكير ومشيت وفكرت بشكل عاطفي".

واختتم "شاهد العيان " قائلا: " إن المنطقة التي بها الحادث لا يحدث فيها مشكلات نهائي ومشكلة المخدرات موجودة في المنطقة ولكني مليش دعوة بيها أنا وأسرتي" مضيفاً : "لما نزلت العجلة ومشيت مردتش أرجع من الشارع والناس اتلمت"، متسائلًا: "فين الناس".

وحول الجرأة التي وصف بها على السوشسيال ميديا والمواقع الإخبارية أجاب "اسماعيل يوسف " ، قائلا:: ان الجرأة بتيجي من عند ربنا مش بإيد الإنسان، كنت شايف السكينة في إيد القاتل ولكني دخلت عليه عشان أوقفه عن قتل الشخص دا"، مردفا لما روحت البيت حكيت لأسرتي على اللي حصل وكان في دم في العجلة مسحتها وغسلت الدم من العجلة.

وعن مشاهدته لفيديو الواقعة أشار قائلا: " لما شفت الفيديو على اليوتيوب والقتيل شال رقبة القتيل خلاني قلت يارتني كنت كسحته علشان ميعملش اللي علمه في القتيل ده".