كشفت الفنانة هنا الزاهد، خلال لقائها الإعلامية منى الشاذلي، ببرنامج "معكم" الذي يذاع على قناة "cbc": عن كواليس إصابتها بفيروس كورونا أثناء تصوير مسلسل "حلوة الدنيا سكر".
"كنت مسافرة عندى شغل خارج مصر، وأجريت فحوصات كورونا ومكنش في أي مشكلة نهائيًا، وكنت بصور مع أحمد حاتم، وأثناء قيامى بأحد المشاهد لقيت المساعدة بتاعتى جاية بتقولى (يا أستاذة إنتى عندك كورونا)".
وقالت: "أحمد حاتم كان واقف قصادي، وبصلي وأنا بصلته وبصيت للمخرج والناس، وفجأة الكل ارتدى الماسكات، وقلت لنفسى إزاى يجيلى وأنا الوحيد اللى ملتزمة، اليوم اتفركش وخلاص بقى".
وتابعت: "قعدت مصابة 9 أيام وبعدها خفيت، وأختى اتعدت منى، وأنا اتخانقت مع أحمد لما جالي كورونا، أنا كنت متفقة معاه إنه لو جاله كورونا هفضل جنبه وأراعيه، أنا أول ما جالي كان بيقولي ابعدى متقربيش، وأنا الحاجات دي بتأثر في نفسيتي، وكان بيكلمني من ورا الزجاج".
وقالت: "حلفت إنى هسيب البيت وأروح أقعد عند ماما، وكان كل يوم بيجيلي تحت البيت عند ماما وينادي ويقولي إنتي كويسة؟ وكنت بطمنه وأقوله أنا بخير".
