«جدتى كان عليها حتة طاجن بطاطس باللحمة مفيش زيه ولا قبله ولا بعده.. كان من عالم تانى من حلاوته وطعامته».. كلمات خرجت من الفنان أحمد فهمى لتعبر عن عشقه لأكل جدته، وأضاف: «انا كل ما افتكره أحس بطعم البطاطس واللحمة جوه فمى بجد مش قادر أنسى طعمه».
وأضاف: «طاجن البطاطس باللحمة من جدتى هيفضل بمذاق الزمن الجميل لما كنا صغيرين..
أوقات بنحن ليها ومش ممكن تتنسي»، وأضاف: كانت ريحة الأكل من إيد جدتى بتخلينا نجوع وهى لسه بتعمل الأكل.. كان الواحد بيشم رائحة الأكل من على بعد.
وعن طريقة تحضير طاجن البطاطس باللحمة، قال الفنان أحمد فهمى، أولًا نقوم بوضع السمن البلدى فى وعاء على النار، ويضاف إليه البصل، ويقلب حتى يذبل، ويضاف الثوم ويقلب مرة أخرى ليتشوح، ويضاف إليه قطع اللحم، وتقلب حتى يتغير لونها، وأضاف: عقب ذلك يتم تتبليها بالملح والفلفل الأسود وجوزة الطيب والبهارات، وتخلط جيدا، وتقلب من وقت لآخر لمدة ٢٠ دقيقة وحتى يبدأ اللحم فى النضج، ويضاف إليه الماء المغلى والبطاطس، وتقلب ثم تغطى، وتترك على نار هادئة لمدة ١٥ دقيقة.
وأوضح: يسخن الفرن على درجة حرارة ١٨٠ مئوية، ويدهن طاجن الفرن بالسمن، ويوضع الخليط فى الطاجن، ويدخل الفرن لمدة ٣٠ دقيقة وحتى ينضج.. ثم يقدم مع أرز أبيض مفلفل وبالهنا والشفا.
