قالت الفنانة فرح الزاهد إن هناك مشهد صعب في مسلسل " الطاووس" وهو مشهد ضربى في المسلسل من منزلاوى وأنا أضربت بجد ولم أظهر أى حاجة لحد ما روحت البيت قعدت اعيط .
و أضافت فرح خلال لقائها مع الإعلامى دكتور عمرو الليثى ببرنامج واحد من الناس على شاشة الحياة ، أنها مختلفة عن هنا اختها حتى الناس بتقول كده ، هنا شعنونة وكوميدية أكتر منى، وأنا بحب الدراما ومش بعرف أعمل كوميدى، وبحب يوسف الشريف جداً و نفسي اشتغل معاه، وأيضا بحب أحمد عز .
وعلي جانب اخر اشارت فرح أن أول أدوارها بمسلسل "الطاووس" ورشحنى لهذا الدور مدير إنتاج، بناء على طلب رؤوف عبد العزيز المخرج اللى طلب وجه يكون جديد ومش معروف في الدراما ، وأنا سعدت جدا بقصة المسلسل والذي ينتصر للمرأة، و خاصة انى لى تجربة مع التحرش، بس أنا مش بسكت خالص ، و تعاني المرأة من هذه الظاهرة ، و انا كل يوم في الشارع بواجه المتحرشين، لدرجة انى مرة خليت ٦ رجاله يجروا أمامى .
و تابعت فرح انها لا تحب الشهرة و مش مستعجلة على النجومية لكن ما يهمني نوعية الأدوار التي اقدمها.
